मोबाइल भावना
न फाल्न मिल्छ
न बाल्न मिल्छ
भएर पनि बेखुशी
नभएर पनि बेखुशी
मोबाइल फोन ।
राती बिउँझेछु
तिम्रै सपना थियो
यसो मोबाइल हेरे
तर केही थिएन खाली थियो
कति निष्ठुरी है तिमी
मैले खोजेको
जाबो मिस कल न हो
त्यो पनि दिएनछौ ।
हर चोटी उस्तै धुनको
मोबाइल बज्दा
सधै मलाई तिम्रै मिसकल हो कि
झै किन लाग्छ हँ ।
जब म तिमीलाई
कल गर्छु तिम्रो
फोन ब्यस्त छ भन्छ
त्यसमा मलाई
एउटा भाला रोपेझै हुन्छ
बेकार मै ।
एउटा कुरा सुनिनु पर्ने
अर्कै कुरा सुनिन र
नसुनिन पनि सक्छ
वा सम्पर्क हुन सकेन
वा अरु केही
जेहोस गर्न खोजेको कुरा हुन्न
अरु कुरा हुन्छ नेपाली फोनको बिशेषता ।
No comments:
Post a Comment